Nā Iʻa Kupua o ka Moana | Kane Aloha Shirt

Nā Iʻa Kupua o ka Moana
I ka wā e ʻike ai ʻo Pūpūkanioe, ke kupunawahine o Kūʻīlioloa, i  ke koko o kāna moʻopuna e lana ana i ke kai, kāhea ʻo ia i nā kūpuna kāne kupua, iā Niuhimoalawaokamoana, Hīhīmanunui, a me Puhilaumilo a hele ai e kōkua i ka moʻopuna e make ana iā Loheloa:

 ʻO nā puhi a pau o ke kai ma kekahi pōʻai, ʻo nā hīhīmanu nō hoʻi a pau ma kekahi pōʻai, a ʻo nā manō me nā niuhi nō hoʻi o ke kai ma kekahi pōʻai; a hoʻokahi nō ʻo Puaʻahiwalani me kona nui kino humuhumu. Ua hui kēia mau ʻaoʻao ʻelua i kahi hoʻokahi, a ua hoʻomaka ʻia kekahi hoʻouka kaua ikaika loa ma waena o lākou. Ma kēia hakakā ʻana a ua poʻe hiena nei o ka moana, ua make ihola ʻo Puhilaumilo a me kona poʻe iā Puaʻahiwalani; a he nui nō hoʻi o kona mau kino lau manamana i pau i ke ale ʻia e nā niuhi moalawa o ka moana kai uli, kai hohonu. Ke ʻike maila nō ʻo Loheloa i kēia paio ʻana o kona hoa ʻau kai (Puaʻahiwalani) me nā kupua ʻekolu o ka mokupuni o Pūpūkanioe, a ʻo kona manawa nō ia i hopu aʻe ai i ka ʻāʻī o Kūʻīlioloa a wiliwili aʻela i ua ʻīlio nei, e like me ke kanaka e wiliwili ana i ka ʻāʻī o kekahi moa kāne. Ke kūpaka nei hoʻi ua ʻīlio kupua nei me kona ikaika a pau, akā he ʻole kona hemo mai loko aku o nā ʻumiʻi pūkani ʻana a Loheloa. I kēia wā i kāhea iho ai ka leo o ka mauli ʻuhane o ua ʻīlio nei iā Loheloa i ka ʻī ʻana iho, “E Loheloa—ē! E ola au iā ʻoe, ke kama ikaika o Hawaiʻi Kuauli. Ola au iā oe, noho kauā aku nō hoʻi au ma lalo ou.”

Nā Iʻa Kupua o ka Moana
With Koaiʻe as his canoe and his paddle Hoakakaihoeakalawakua, Loheloa set out on his second trip to Kuaihelani. He made his way up the island chain, battling the most powerful aliʻi and kupua (shapeshifting supernaturals) of each island. With him was his own kupua pig companion, Puaʻahiwalani. After defeating all of his opponents, Loheloa had a final feast on Kauaʻi, then set out on the last leg of his journey. As he paddled forward, the island faded from view, then Niʻihau also disappeared into the blue depths. The sea became rough and ominous clouds overhead warned of impending danger. A massive waterspout moved rapidly towards Loheloa’s canoe, then Kūʻīlioloa, the kupua monk seal, reared up from the ocean. It towered over him, jaws wide open, ready to swallow him whole. Loheloa stuck his paddle into the seal’s mouth so it couldn’t close its jaws, then reached in and pulled its guts out. Blood poured forth and quickly drifted on the currents over the limu ʻeleʻele, turning it red (the origin of limu koko). It washed onto the beach and Kūʻīlioloa’s grandmother, Pūpūkanioe, picked it up, smelled her grandchild’s blood, and immediately sent Niuhimoalawaokamoana, Hīhīmanunui, and Puhilaumilo to the rescue. Puaʻahiwalani turned into a school of humuhumu and a full out ocean battle ensued. Puhilaumilo fell first and Kūʻīlioloa knew his kūpuna were no match for Loheloa. His spirit begged for mercy, so Loheloa restored his life and ended the battle. They reached a truce and Loheloa continued, uninterrupted, to the shores of Kuaihelani.